ஊக்கப்படுத்திய வைகோ உதவியாளர் அருணகிரி அவர்களுக்கு நன்றி!

கடந்த 25-11-2016 அன்று ஓமன் மதிமுக இணையதள அணி செயல்வீரர்கள் கலந்தாய்வு கூட்டம் ஓமன் தலைநகர் மஸ்கட்டில் அல் ஹெயில் என்னும் இடத்தில் ராகேஷ் அப்பார்ட்மன்டில் நடந்தது. இதில் கழக தோழர்கள் அதிகமாக கலந்துகொண்டு தங்களது உணர்வுகளை பகிர்ந்துகொண்டனர்.

நிகழ்வை சங்கொலிக்கும் அனுப்பியிருந்தோம். அதை தலைவர் வைகோ அவர்களின் தனி உதவியாளர் அருணகிரி அவர்கள், தங்களுடைய முகநூல் பக்கத்திலும் பதிந்து, இமெயிலிலும் ஒற்றுமையே நம் வலிமை, தோழர்களுக்கு வாழ்த்துக்கள் என்று ஓமன் இணையதள அணி தோழர்களை ஊக்கப்படுத்தியிருக்கிறார். அது அனைத்து ஓமன் இணையதள அணி உறுப்பினர்களுக்கும் மிக்க மகிழ்ச்சியை தந்ததுடன் இன்னும் அதிகமாக இணையத்தில் கழக மக்கள் நலன் செய்திகளை பரப்புரை செய்யவும் தூண்டுகிறது.

கடந்த 27 வருடத்திற்கும் மேலாக தலைவர் வைகோவுடன் இருந்து, வைகோவின் செயல்களுக்கு உறுதுணையாக இருக்கிற அருணகிரி அவர்களுக்கு ஓமன் இணையதள அணி நெஞ்சார்ந்த நன்றியை தெரிவித்துக்கொள்கிறது.

மேலும் மற்ற இணையதள தோழர்களும், ஓமன் இணையதள அணி நிகழ்வுகளை பதிந்து ஊக்கப்படுத்தியிருந்தார்கள் அவர்கள் அனைவருக்கும் நன்றிகளை தெரிவித்துக்கொள்கிறோம்.

ஓமன் மதிமுக இணையதள அணி