மதுவிலக்கை அமுல்படுத்த கோரி போராடி உயிர்நீத்த தியாகி சசிபெருமாள் அவர்களின் நல்லடக்கமானது இன்று மாலை 5.30 மணி அளவில் சேலத்திலுள்ள அவரது சொந்த ஊரிலுள்ள வீட்டில் அருகாமையில் நடைபெற்றது. இதில் கலந்துகொள்வதற்காக மதிமுக இணையதள அணி சார்பில் அம்மாபேட்டை கருணாகரன், திருப்பதிசாய், நல்லு லிங்கம், ஆட்டோ ராஜ், ஆனந்த மெய்யப்பன், கண்ணன் சாதூரப்பன் மற்றும் சில கழக கண்மணிகள் ஆகியோர் இன்று காலையிலே யே அன்பு சகோதரர் திருப்பதிசாய் அவர்களின் மகிழுந்தில் சென்னையில் இருந்து சேலம் வந்து சேர்ந்தனர். பின்னர் அவர்கள் இறுதி மரியாதையும் அஞ்சலியையும் செலுத்தினர்.
சசிபெருமாள் அவர்களின் உடல் அடக்கம் செய்யப்பட்டபின்னர் இரவுடன் கூடிய மாலை நேரத்தில் மது விலக்கு போராளி ஐயா சசி பெருமாள் உயிர் நீத்த மண்ணில் நியுஸ்7 தொலைக்காட்சியின் கேள்வி நேரம் நிகழ்ச்சி நடைபெற்றது. இந்த நிகழ்ச்சியில் சசிபெருமாள் அவர்களுக்கு அஞ்சலி செலுத்த வந்த மதிமுக இணையதள அணி நண்பர்கள் கலந்துகொண்டு தங்களது கருத்துக்களை பதிவு செய்தனர். இந்த நிகழ்ச்சியில் அம்மாபேட்டை கருணாகரன், திருப்பதிசாய், நல்லு லிங்கம், ஆட்டோ ராஜ், ஆனந்த மெய்யப்பன், கண்ணன் சாதூரப்பன் ஆகியோர் கலந்துகொண்டது குறிப்பிடத்தக்கது.
இதில் மதுவைக் குறித்த விழிப்புணர்வை ஏற்படுத்த வேண்டும் என்று நேரடியாக மதிமுக நண்பர்கள் அறைகூவல் விடுத்ததோடு மதுக்கடைகளை மூடி மதுவிலக்கை அமல்படுத்தவேண்டுமெனவும் கோரிக்கை விடுத்தனர்.
மறுமலர்ச்சி மைக்கேல்
மதிமுக இணையதள அணி - ஓமன்
No comments:
Post a Comment