நாகை திருவாரூர் மாவட்ட செயல் வீரர்கள் கூட்டம்!

நாகை திருவாரூர் மாவட்ட கழக செயல்வீரர்கள் கூட்டம் நேற்று 29-06-2016 மாலை நடந்தது. இதில் இரு மாவட்ட கழக நிர்வாகிகள், தொண்டர்கள் என ஏராளமானோர் கலந்துகொண்டனர். மதிமுக பொதுச் செயலாளர் தலைவர் வைகோ அவர்கள் கலந்துகொண்டு சிறப்புரையாற்றினார்கள்.

முன்னதாக நாகை மாவட்ட கழக நிர்வாகிகள் தலைவர் வைகோ அவர்களை குத்தாலத்தில் வரவேற்றனர்.

ஓமன் மதிமுக இணையதள அணி

திருச்சி மாவட்ட செயல்வீரர்கள் கூட்டத்தில் வைகோ சிறப்புரை!

ஒன்றுபட்ட திருச்சி மாவட்ட செயல்வீரர்கள் கூட்டம் 28.06.2016 மாலை நடைபெற்றது. இதில் கழக முன்னணி மாவட்ட மாநில நிர்வாகிகள் கலந்துகொண்டனர். 

ஏராளமான தொண்டர்கள், மகளிர் கலந்துகொண்டு கழகத்திற்கு புத்துயிர் கொடுத்தார்போல உற்சாகமூட்டினார்கள்.

ஓமன் மதிமுக இணையதள அணி

தஞ்சை மதிமுக கழக செயல்வீர்கள் கூட்டம்-வைகோ பங்கேற்ப்பு!

தஞ்சை சுந்தர் மஹாலில் மாவட்ட கழக செயல்வீர்கள் கூட்டம் இன்று 29-06-2016 காலை 10 மணி அளவில் நடந்தது. இதில் மதிமுக பொதுச் செயலாளர் வைகோ கலந்துகொண்டு சிறப்புறையாற்றினார். மாவட்ட கழக முன்னணி நிர்வாகிகள் தொண்டர்கள் என ஏராளமானோர் கலந்துகொண்டார்கள்.

அப்போது பேசிய வைகோ அவர்கள் தொண்டர்களின் உறுதி இருக்கும் வரை மறுமலர்ச்சி திமுக இருக்கும். ஒன்றரை வருடமாக மதிமுகவை அழிக்க திமுக துடித்துக்கொண்டிருக்கிறது. ஆனால் அது அழிந்துவிடும் என பேசினார்.

ஓமன் மதிமுக இணையதள அணி

பெரம்பலூர் - அரியலூர் மாவட்ட செயல்வீரர்கள் கூட்டத்தில் வட சென்னை செல்வா அவர்களுக்கு அஞ்சலி!

பெரம்பலூர் - அரியலூர் மாவட்ட மதிமுக செயல்வீரர்கள் கூட்டம் இன்று காலை 10 மணி அளவில் அரியலூர் கல்லங்குறிச்சி சாலை கீதா மஹாலில் நடந்தது. இந்த கூட்டத்தில் தமிழின முதல்வர் வைகோ அவர்கள் கலந்துகொண்டு சிறப்புரையாற்றினார். மாவட்ட கழக நிர்வாகிகள் தொண்டர்கள் என ஏராளமானோர் கலந்துகொண்டனர்.

இந்த கூட்டத்தில் இன்று மறைந்த வடசென்னை மாவட்டப் பொறியாளர் அணி அமைப்பாளர் வடசென்னை செல்வா அவர்களுக்கு பெரம்பலூர் - அரியலூர் மாவட்ட செயல்வீரர்கள் அனைவரும் எழுந்து நின்று மெளன அஞ்சலி மரியாதை செலுத்தினார்கள்.

ஓமன் மதிமுக இணையதள அணி

ஒழுங்கு நடவடிக்கை! மதிமுக தலைமைக் கழகம் அறிவிப்பு

மறுமலர்ச்சி திராவிட முன்னேற்றக் கழகத்தின் ஈரோடு மாவட்டம், ஈரோடு நகரச் செயலாளர் ஆர். பொன்னுசாமி கழகத்தின் அடிப்படை உறுப்பினர் உட்பட அவர் வகித்து வரும் அனைத்து பொறுப்புகளில் இருந்தும் நீக்கி வைக்கப்படுகிறார்.

மறுமலர்ச்சி திராவிட முன்னேற்றக் கழகத்தின் தூத்துக்குடி மாவட்டம், கயத்தாறு ஒன்றியச் செயலாளர் கே. கணபதி பாண்டியன் மற்றும் பொதுக்குழு உறுப்பினர் எஸ். நீதிராஜ் ஆகியோர் கழகத்தின் அடிப்படை உறுப்பினர் உட்பட அவர்கள் வகித்து வரும் அனைத்து பொறுப்புகளில் இருந்தும் நீக்கி வைக்கப்படுகிறார்கள் என தலைமை கழகமான தாயகம் வெளியிட்டுள்ள 27-06-2016 அறிக்கையில் தெரியப்படுத்தப்பட்டுள்ளது.

ஓமன் மதிமுக இணையதள அணி

காற்றோடு கலந்த அண்ணன் வடசென்னை செல்வா-க்கு ஓமன் மதிமுக கண்ணீர் அஞ்சலி!

அண்ணன் வடசென்னை செல்வா அவர்கள் சென்னை அரசு பொது மருத்துவமனையில் அவசர பிரிவில் வருத்தமான நிலையில் இருக்கிறார் என்றதும் மிகுந்த வேதனையுற்றோம் . கடந்த ஓரிரு நாட்களாக இணையதள நேரலை அண்ணன் Ammapet G Karunakaran அவர்களிடம் விபரம் கேட்டறிந்ஹோம். ஆனால் அண்ணனுக்கு இன்றைக்கு அழைத்து விபரம் கேட்பதற்குள் அண்ணன் வடசென்னை செல்வா அவர்கள் இயற்கையுடன் கலந்துவிட்டார் என்ற செய்தியை இன்று 28-06-2016 காலை முகநூல் மூலம் கண்டதும் அதிர்ச்சியுற்றோம்.

நேற்றைய பொழுது சிறு முன்னேற்றம் இருக்கிறது என தகவல் வந்த போது சிறு ஆசுவாசம் அடைந்தோம். நண்பர்கள் அனைவருமே இணையத்தின் மூலமாகவே தங்களது வேண்டுதலை வெளிப்படுத்தினார்கள். ஆனாலும் இயற்கை அவரை அரவணைத்துக்கொண்டது.

அவரின் இரண்டு குழந்தைகளும் சிறு வயதிலே தந்தையை இழந்து தவிக்கிறார்கள் என நினைக்கும் போது மனம் கனமாகிறது. குழந்தைகளுக்கு மன தைரியமும், மனைவிக்கு ஆறுதலும் கிடைக்கட்டும்.

அண்ணன் வடசென்னை செல்வா அவர்கள் இடைவிடா இணையதள போராளி. அண்ணனே! நீங்கள் காட்டிய பாதையிலே இணையத்தின் கழக கண்மணிகள் நாங்கள் உறுதியோடு பயணிப்போம். அண்ணன் குடும்பத்தாருக்கு ஓமன் மதிமுக இணையதள அணி சார்பில் ஆழ்ந்த இரங்கலை தெரிவித்துக்கொள்கிறோம்
ஓமன் மதிமுக இணையதள அணி

கடலூர் மாவட்ட செயல்வீரர்கள் கூட்டத்தில் வைகோ பங்கேற்ப்பு!

கடலூர் மாவட்ட மதிமுக செயல் வீரர்கள் கூட்டம் 27-06-2016 திங்கள் அன்று நடந்தது. இதில் கழக பொதுச் செயலாளர் கலந்து கொண்டு தொண்டர்களுக்கு புத்துணர்வை ஏற்ப்படுத்தும் வகையில் சிறப்புரையாற்றினார். கழக முன்னணி தலைவர்கள், நிர்வாகிகள் மற்றும் தொண்டர்கள் என ஏராளமானோர் கலந்துகொண்டனர்.

ஓமன் மதிமுக இணையதள அணி

அடிமட்ட தொண்டனையும் மனதார நேசிக்கும் தலைவன் வைகோ!

மதிமுக இணையதள முன்னோடி அண்ணன் வடசென்னை செல்வா அவர்கள் சிறுநீரக பாதிப்பால் வருத்தமான நிலையில் சென்னை அரசு மருத்துவமனையில் அனுமதிக்கப்பட்டிருந்தார்.

நேற்று 26-06-2016 காலை மயக்கமடைந்தவர், சிறு அசைவும் இன்றி இரவு 10 மணி வரை இருந்தார். தன் உயிரான தலைவர் தொண்டனை காண வந்தார். அவர் உடல் நலம் பற்றி கவலையுடன் கேட்டறிந்தார். கேட்டுக் கொண்டே அண்ணன் வடசென்னை செல்வா அவர்களின் வலதுகால் மீது கை வைத்தார். அதுவரை அசைவற்றிருந்த கால் ஒரு அசைவு அசைந்தது. அதிசயம் நடந்தேறியது. உடனே தலைவர் வைகோ அவர் காதருகில் சென்று செல்வகுமார்நா ன் வைகோ வந்திருக்கிறேன்  என மூன்று முறை சொன்னார். 

மேலும் மருத்துவர்களையும் விசாரித்து நல்ல முறையில் சிகிச்சை கொடுங்கள் என்று வேண்டுகோள் விடுத்தார் வைகோ. அவரது குடும்பத்தினருக்கும் ஆறுதல் கூறினார்.

சகோதரர் வடசென்னை செல்வா அவர்கள் உடல் நலம் பெற்று எதிராளிகளுக்கு இணையத்தில் சிம்மசொப்பனமாக விளங்க அவர் மீண்டு வர வேண்டி ஓமன் மதிமுக இணையதள அணி சார்பில் விழைகிறோம்.

ஓமன் மதிமுக இணையதள அணி

திருநீர்மலை ஒன்றிய செயலாளர் தந்தையை விசாரித்து வாழ்த்திய வைகோ!

காஞ்சிபுரம் திருநீர்மலை ஒன்றிய செயலாளர் மாவை.மகேந்திரன் அவர்களுடைய தந்தை திரு.வைத்தியலிங்கம் நேற்று 75அகவையை கடந்ததையொட்டி, 27.06.2016 இன்று காலை 11 மணிக்கு அவரது இல்லத்திற்கு சென்று வாழ்த்தி நலம் விசாரித்தார் மதிமுக பொதுச் செயலாளர் வைகோ அவர்கள். உடன் மதிமுக முன்னணி தலைவர்கள் இருந்தனர்.

ஓமன் மதிமுக இணையதள அணி